MOSKVADA MDB XARİCİ İŞLƏR NAZİRLƏRİ ŞURASININ NÖVBƏTİ İCLASI KEÇİRİLƏCƏKDİR
RF XİN yanında İnformasiya və mətbuat departamentində AZƏRTAC-ın xüsusi müxbirinə bildirmişlər ki, iclasın gündəliyi artıq müəyyənləşmişdir. Nazirlər MDB dövlətlərinin çoxcəhətli qarşılıqlı fəaliyyəti istiqamətlərinin geniş spektrinə dair qərarları, habelə Birlik qurumlarının daha da təkmilləşdirilməsinə və onların səmərəliliyinin artırılmasına aid məsələləri müzakirə edəcəklər.
İclasda “Birlik orqanlarının təkmilləşdirilməsi və yenidən qurulması barədə MDB Dövlət Başçıları Şurasının 2005-ci il tarixli qərarlarının yerinə yetirilməsinin gedişi haqqında”, “Birliyin səmərəliliyinin artırılması məsələləri üzrə yüksəksəviyyəli qrupun təsis olunması haqqında” sənədlərin layihələri nəzərdən keçiriləcəkdir. XİN başçıları humanitar sahəyə dair bəzi sənədləri, o cümlədən “MDB dövlətlərinin humanitar əməkdaşlıq üzrə Şurası haqqında” saziş layihəsini və “2010-cu ilədək mədəniyyət sahəsində MDB əməkdaşlığının əsas tədbirlər proqramı haqqında qərarlar”ı da müzakirə edəcəklər.
Azərbaycanın xarici işlər naziri Elmar Məmmədyarovun iclasda iştirakı gözlənilir.
Bölmənin digər xəbərləri
