M.ROSTROPOVİÇ YAPONİYANIN “DOĞAN GÜNƏŞ” ORDENİ İLƏ TƏLTİF OLUNMUŞDUR

03.11.2003 [13:34]
Çap et
A⁺ A^-

AZƏRTAC-ın İTAR-TASS agentliyindən aldığı xəbərdə deyilir ki, zəmanəmizin görkəmli musiqiçisi, əslən bakılı olan Mstislav Rostropoviç Yaponiyanın “Doğan Günəş” ordeninə (Qızıl və Gümüş Ulduz) layiq görülmüşdür. Bunu agentliyin müxbirinə Yaponiyanın Moskvadakı səfirliyindən bildirmişlər. Diplomatik nümayəndəliyin informasiya şöbəsində demişlər ki, “bu mükafat Yaponiya ilə Rusiyanın yaxınlaşması prosesində Rostropoviçin xidmətlərinin yüksək dəyərləndirilməsi əlamətidir”.

Dünya şöhrətli violonçelçi və dirijor Yaponiyada ilk dəfə 1958-ci ildə olmuşdur. O, burada musiqi ifaçıları hazırlanmasına sanballı töhfə vermiş, yapon musiqisinin səviyyəsinin yüksəlməsinə kömək göstərmiş, dirijor Seydzi Odzava ilə birlikdə Rusiyada və Yaponiyada bir sıra xeyriyyə konsertləri təşkil etmişdir.

M.Rostropoviç insan hüquqlarının müdafiəçisi və humanist kimi də geniş şöhrət qazanmışdır. Xanımı – məşhur opera müğənnisi Qalina Vişnevskaya ilə birlikdə yaratdığı “Vişnevskaya və Rostropoviç Fondu” uşaqlara tibbi yardım sisteminin təkmilləşdirilməsi sahəsində səmərəli iş aparır.

DÜNYA

M.ROSTROPOVİÇ YAPONİYANIN “DOĞAN GÜNƏŞ” ORDENİ İLƏ TƏLTİF OLUNMUŞDUR

MÜƏLLİFLƏ ƏLAQƏ

Bölmənin digər xəbərləri