“Müasir türk dillərində sözyaratma üsulları” kitabı çapdan çıxıb
Bakı, 16 may, AZƏRTAC
Nəsimi adına Dilçilik İnstitutunun Türk dilləri şöbəsinin aparıcı elmi işçisi Qətibə Mahmudovanın “Müasir türk dillərində sözyaratma üsulları” kitabı çap olunub.
İnstitutdan AZƏRTAC-a bildirilib ki, tədqiqat əsəri türk dillərinin söz yaradıcılığına həsr olunub. Monoqrafiyada müasir türk dillərində yeni sözlərin yaranmasında istifadə olunan üsul və metodlar əhatəli şəkildə araşdırılıb.
Kitabın redaktoru filologiya elmləri doktoru, professor Məmmədəli Novruzov (Qıpçaq), rəyçiləri filologiya elmləri doktoru, professor İsmayıl Kazımov, filologiya elmləri doktoru, professor Sevinc Əliyevadır.
Monoqrafiya filologiya, türkologiya, ümumən dilçiliklə məşğul olanlar üçün böyük əhəmiyyət kəsb edir. Kitabdan gənc dilçi tədqiqatçılar -doktorant və magistrlər də faydalana bilərlər.
Bölmənin digər xəbərləri
