Müəllimlərin iş yerinin dəyişdirilməsi müsabiqəsinə elektron sənəd qəbulu başa çatıb
Bakı, 17 may, AZƏRTAC
Müəllimlərin iş yerinin dəyişdirilməsi müsabiqəsinə elektron sənəd qəbulu mərhələsi başa çatıb.
Bu barədə AZƏRTAC-a Təhsil Nazirliyindən məlumat verilib. Bildirilib ki, mayın 5-dən 16-dək davam edən bu mərhələdə 13 min 105 nəfər müraciət edib. Onlardan 8 min 441 nəfəri ərizəsini tamamlayaraq iştirakını təsdiq edib.
Müsabiqənin növbəti mərhələsində namizədlərin ərizələri yoxlanıldıqdan sonra elektron yerləşdirmə həyata keçiriləcək.
Bölmənin digər xəbərləri
