Muxtar respublikada 117 milyon ABŞ dolları dəyərində xarici ticarət dövriyyəsi qeydə alınıb
Naxçıvan, 21 may, AZƏRTAC
Muxtar respublikada iqtisadiyyatın dinamik inkişafı xarici ticarət əlaqələrinin genişlənməsinə müsbət şərait yaradıb, 2019-cu ilin yanvar-aprel aylarında 117 milyon 689 min 700 ABŞ dolları dəyərində xarici ticarət dövriyyəsi qeydə alınıb.
Naxçıvan Muxtar Respublikası Dövlət Statistika Komitəsindən AZƏRTAC-ın Naxçıvan bürosuna bildirilib ki, ixracın dəyəri 2018-ci ilin müvafiq dövrü ilə müqayisədə artaraq 98 milyon 313 min 400 ABŞ dolları təşkil edib, 78 milyon 937 min 100 ABŞ dolları dəyərində müsbət saldo yaranıb.
Cari il 1 may tarixinə muxtar respublikanın banklarında açılmış bank hesablarının sayı 81 min 94-ə çatıb ki, bunun da 71 min 777-si və ya 88,5 faizi aktiv hesablardır. Yanvar-aprel aylarında açılmış 6769 bank hesabının 6739-u aktiv hesablar olub.
Muxtar respublikada quraşdırılan POS-terminalların sayı 1275-ə çatıb.
Bölmənin digər xəbərləri
