MUXTAR RESPUBLİKADA KƏND TƏSƏRRÜFATININ İNKİŞAFINA DİQQƏT YETİRİLİR

09.01.2007 [14:49]
Çap et
A⁺ A^-

AZƏRTAC xəbər verir ki, Naxçıvan Muxtar Respublikasının aqrar sektorunda böyük perspektivi olan sahələrdən biri də şəkər çuğunduru yetişdirilməsidir. 2006-cı ildə əvvəlki illə müqayisədə 543 hektar çox, yəni 2090 hektar sahədə şəkər çuğunduru əkilmiş, 30086 ton məhsul götürülmüşdür. Bu da 2005-ci ildəkinə nisbətən 6577 ton çoxdur. Tarixən öz meyvəsi ilə məşhur olan Naxçıvanda meyvəçiliyin əvvəlki şöhrətini qaytarmaq üçün bir sıra tədbirlər görülmüş, yaşıllıqların bərpası işində meyvə ağaclarının əkininə üstünlük verilmişdir. 2006-cı ildə 36 min 956 ton meyvə istehsal olunmuşdur ki, bu da əvvəlki ildəkindən çoxdur.

Ümumiyyətlə, muxtar respublikada bitkiçiliyin inkişafında intensiv amillərin rolu böyükdür. Yüksək məhsuldarlığı olan toxum sortlarının, gübrələrin dövlət dəstəyi ilə torpaq mülkiyyətçilərinə çatdırılması, suvarma sistemlərinin müntəzəm əsasda təkmilləşdirilməsi buna misal ola bilər. 100 milyon kubmetr tutumu olan Heydər Əliyev su anbarının tikintisinin başa çatması nəticəsində 16 min 800 hektara yaxın sahənin suvarılması təmin olunmuş, 619 hektar yeni torpaq sahəsi əkin dövriyyəsinə daxil edilmişdir.

MUXTAR RESPUBLİKADA KƏND TƏSƏRRÜFATININ İNKİŞAFINA DİQQƏT YETİRİLİR

MÜƏLLİFLƏ ƏLAQƏ

Bölmənin digər xəbərləri