“Muzeylər, təhsil və tədqiqat” devizi altında intellektual yarışma keçiriləcək
Bakı, 16 may, AZƏRTAC
Mayın 17-də Milli Azərbaycan Tarixi Muzeyində Beynəlxalq Muzeylər Gününə həsr olunmuş “Muzeylər, təhsil və tədqiqat” devizi altında “Breyn-rinq” intellektual yarışması keçiriləcək.
Muzeydən AZƏRTAC-a bildirilib ki, yarışmada müxtəlif gənclər təşkilatlarının üzvləri, universitet tələbələri və muzeyin əməkdaşlarından ibarət 8 komanda iştirak edəcək. Yarışmanın məqsədi “Muzeylər, təhsil və tədqiqat” devizi altında gənclərin muzeydə maarifləndirilməsi və asudə vaxtlarının səmərəli keçirilməsidir.
Yarışmanın qalibləri kubok, medal və sertifikat ilə təltif olunacaqlar.
Bölmənin digər xəbərləri
