Myanma Prezidentinin Çinə səfəri başlayıb
Pekin, 15 iyun, AZƏRTAC
Myanma İttifaqının Prezidenti Min Aunq Hlainqın Çinə dövlət səfəri başlayıb.
AZƏRTAC xəbər verir ki, Çin Xalq Respublikasının Sədri Si Cinpinin dəvəti ilə baş tutan səfər çərçivəsində iki ölkə arasında əməkdaşlığa dair danışıqlar aparılacaq. Səfər iyunun 19-dək davam edəcək.
Qeyd edək ki, 2021-ci il fevralın 1-də Myanmada baş verən hərbi çevriliş nəticəsində hakimiyyət silahlı qüvvələrin komandanı Min Aunq Hlainqin əlinə keçib. Bu ilin aprelində Myanma parlamentində keçirilmiş seçkidə Dövlət İdarə Şurasının Sədri Min Aunq Hlainq prezident seçilib. Bu, onun prezident vəzifəsində Çinə ilk səfəridir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
