Bakı, 9 mart, AZƏRTAC

İspaniyanın “Barselona” komandasının baş məşqçisi Xavi Ernandes postundan ayrıla bilər.

AZƏRTAC İspaniya mətbuatına istinadən xəbər verir ki, 44 yaşlı mütəxəssis Çempionlar Liqasının 1/8 final mərhələsinin cavab qarşılaşması çərçivəsində İtaliya “Napoli”sini keçə bilməsə, onunla müqaviləyə xitam veriləcək.

Mənbənin sözlərinə görə, Xavini bu vəzifədə hazırda “Barselona Atletik”ə rəhbərlik edən meksikalı Rafael Markes əvəzləyəcək.

Qeyd edək ki, bu komandalar arasında Neapolda keçirilən ilk görüş 1:1 hesabı ilə başa çatıb. Cavab qarşılaşması martın 12-də İspaniyada keçiriləcək.