“Nar Mobile” abonentləri üçün ünsiyyət yenidən limitsiz olmuşdur
Bakı, 24 oktyabr (AZƏRTAC). “Azefon” MMC limitsiz şəbəkədaxili tarifi yeniləmişdir. Bu tarifə qoşulmaqla “Nar” abonentləri öz aralarında istədikləri qədər danışa və ölkə daxilində bütün istiqamətlərə 3 qəpiyə SMS göndərə bilərlər. Üstəlik bu tarif planına qoşulan hər kəs gündəlik olaraq 10 şəbəkədaxili SMS hədiyyə əldə edir.
Şirkətdən AZƏRTAC-a bildirmişlər ki, limitsiz şəbəkədaxili tarifə qoşulmaq üçün telefonun ekranında *777#111#YES şifrəsini yığmaq və ya limitsiz yazaraq 777 nömrəsinə mesaj göndərmək kifayətdir.
Limitsiz şəbəkədaxili tarifdən gündəlik istifadə haqqı 48 qəpikdir. Balansda kifayət qədər vəsait olmadıqda gündəlik abunə haqqı çıxılmır. Abonent balansını artırdığı gün abunə haqqı yalnız həmin gün üçün tutulur. Balansda kifayət qədər vəsaitin olmaması səbəbindən gündəlik abunə haqqı çıxılmadıqda, şəbəkədaxili zəngin hər dəqiqəsi üçün 5 qəpik ödənilir.
Bölmənin digər xəbərləri
