NARKOMANLIĞA VƏ NARKOTİK VASİTƏLƏRİN QANUNSUZ DÖVRİYYƏSİNƏ QARŞI MÜBARİZƏ DAVAM EDİR
Həmin dövrdə ayrı-ayrı şəxslərdən 105 kiloqram 688 qram narkotik vasitələr, psixotrop maddələr və prekursorlar, o cümlədən 1 kiloqram 228,3 qram heroin, 67 kiloqram 172 qram tiryək, 804,98 qram həşiş, 36 kiloqram 455,5 qram marixuana, 204004 həb, 2959 ampula güclü təsiredicilər götürülmüşdür.
Bu növ cinayətlər törətdiklərinə görə, 889 şəxs cinayət məsuliyyətinə cəlb edilmişdir. Yabanı halda bitmiş 61 ton 414 kiloqram narkotik xassəli bitkilər aşkar olunaraq məhv edilmişdir.
Hüquq mühafizə orqanları əsas diqqəti yenə də narkotik vasitələrin qanunsuz dövriyyəsinə, daxilolma mənbələrinin aşkar edilməsinə qarşı mübarizəyə yönəltmişlər ki, bu da öz müsbət nəticəsini verir.
Cinayət məsuliyyətinə cəlb olunanların 22 nəfəri xarici vətəndaşlardır. Onlardan 30 kiloqrama yaxın müxtəlif növ narkotik vasitələr götürülmüşdür. Həmin şəxslərdən 13 nəfəri İran, 9 nəfəri isə Rusiya Federasiyasının vətəndaşıdır.