NARKOTİKA ALVERÇİLƏRİ TUTULMUŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Nəqliyyatda Baş Polis İdarəsinin əməkdaşları Bakı şəhər sakini Elman Rəbiyevdən 290,88 qram marixuana, Göyçay Rayon Polis Şöbəsinin əməkdaşları Əli Bayramlı şəhər sakini Natiq Qasımovdan 1,057 qram heroin götürmüşlər.
Gəncə Şəhər Polis İdarəsinin əməkdaşları şəhər sakini Sabutay Məmmədovdan 0,278 qram heroin, Bərdə Rayon Polis Şöbəsinin əməkdaşları rayon sakini Feyruz Xasməmmədovdan 0,7 qram həşiş aşkar edərək götürmüşlər.
Bakı Baş Polis İdarəsinin Cinayət-Axtarışı İdarəsi və Nərimanov Rayon Polis İdarəsi əməkdaşlarının birgə keçirdikləri əməliyyat tədbirləri nəticəsində Bakı şəhər sakini Bala Mürsəlovdan 0,241 qram heroin götürülmüş, narkotik vasitəni ona satmış, əvvəllər məhkum olunmuş Elmar Hüseynov tutulmuşdur.
Bütün faktlarla bağlı araşdırmalar aparılır.
Bölmənin digər xəbərləri
