“NAXÇIVAN-KREDİT BANK OLMAYAN KREDİT TƏŞKİLATI” MMC-NİN TƏQDİMATI KEÇİRİLMİŞDİR
Beynəlxalq Miqrasiya Təşkilatının Azərbaycandakı nümayəndəliyinin rəhbəri Sarat Daş, Naxçıvan Muxtar Respublikasında həyata keçirilən “Birliklərin yaradılması və mikrokredit layihəsi”nin uğurlu nəticələri barədə məlumat vermişdir. Qeyd olunmuşdur ki, layihənin məqsədi muxtar respublikada yoxsulluğun ləğv edilməsi üçün strategiyanın hazırlanması, qaçqınların, köçkünlərin və potensial miqrantların iqtisadi imkanlarını artırmaq, əhaliyə mikromaliyyə xidməti göstərmək, davamlı inkişafa nail olmaqdır.
Naxçıvan Muxtar Respublikası Ali Məclisinin sədri Vasif Talıbov cəmiyyətin təsis edilməsini Azərbaycanda gedən inkişafın göstəricisi kimi dəyərləndirmişdir.
S.Daş və Naxçıvan Muxtar Respublikası Regional Məsləhət Mərkəzinin direktoru Xəlil Əliyev “Birliklərin yaradılması və mikrokredit layihəsi”nə aid əmlaka mülkiyyət hüququnun Naxçıvan Muxtar Respublikası Regional Məsləhət Mərkəzinə verilməsinə dair müqavilə imzalamışlar.
Bölmənin digər xəbərləri
