Naxçıvan MR-in təhsil naziri HƏMZƏ CƏFƏROV Azərbaycanın bütün təhsil işçilərini muxtar respublikanın pedaqoji ictimaiyyəti adından təbrik edərək dedi ki, qurultayın belə bir əlamətdar vaxtda keçirilməsi təhsil işçiləri qarşısında daha böyük vəzifələr qoyur, onların məsuliyyətini artırır. Müstəqillik yolu ilə şərəflə və inamla irəliləyən ölkəmizin çoxminli müəllimlər ordusu prezident seçkiləri ərəfəsində yenə də böyük mütəşəkkillik, həmrəylik nümayiş etdirir, dünya şöhrətli siyasi xadim Heydər Əliyevin ideyaları ətrafında daha sıx birləşərək, quruculuq və inkişaf prosesinə öz töhfələrini verməyə çalışırlar.
O bildirdi ki, son on ildə muxtar respublikada da məktəblərin maddi-texniki bazası möhkəmləndirilmiş, təlimin müasir tələblər səviyyəsində qurulması istiqamətində uğurlar qazanılmışdır. Şəhər və kəndlərdə 80-dək məktəb tikilmiş, əsaslı təmir edilmiş və ən müasir məktəb avadanlıqları ilə təchiz olunmuşdur. Natiq məktəblilərin yüksək təhsil göstəricilərindən, bu işdə müəllimlərin rolundan danışdı, eyni zamanda, çatışmazlıqlardan da bəhs etdi.
