NAXÇIVAN MUXTAR RESPUBLİKASI ALİ MƏCLİSİNİN SƏDRİ ÖN XƏTDƏ XİDMƏT EDƏN ƏSGƏRLƏRLƏ GÖRÜŞMÜŞDÜR
AZƏRTAC xəbər verir ki, Naxçıvan Muxtar Respublikası Ali Məclisinin sədri Vasif Talıbov düşmənlə təmas xəttindəki hərbi hissələrdə görülən işlərlə tanış olmuş, yeni istifadəyə verilmiş sosial-məişət kompleksi və əsgər yataqxanasına baxmış, qışa hazırlığın vəziyyəti ilə maraqlanmışdır.
Ali Məclisin sədri xidmətdə fərqlənən bir qrup zabit, gizir, çavuş və əsgərə qiymətli hədiyyələr təqdim etmiş, onlarla birlikdə nahar etmiş, qış mövsümündə əsgərlərin paltar və ərzaq təminatının daha da yaxşılaşdırılması barədə tapşırıqlar vermişdir.
