NAXÇIVAN QAZ-TURBİN ELEKTRİK STANSİYASININ İKİ BLOKU İSTİFADƏYƏ VERİLMİŞDİR

25.04.2006 [13:52]
Çap et
A⁺ A^-

“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Naxçıvan Qaz-Turbin Elektrik Stansiyasının iki bloku işə salınmışdır. Bu blokların hasil etdiyi elektrik enerjisi artıq muxtar respublikanın enerji sisteminə daxil olur.

Yeni stansiya sutka ərzində təqribən 420 min kilovat-saat elektrik enerjisi istehsal edir. Bu, 3 milyon kilovat-saata yaxın enerji tələbatı olan və blokada şəraitində yaşayan Naxçıvanın enerji təchizarında böyük rol oynayır.

Təbii qazla işləyən, dörd enerji blokundan ibarət elektrik stansiyasının yenidən qurulmasında, milli energetiklərimizlə yanaşı, Almaniyanın Enerco, İtaliyanın GTT və Avstriyanın ABB şirkətlərindən olan tərəfdaşlar da çalışırlar.

Blokların hamısı işə düşdükdən sonra stansiyasının gücü bir milyon kilovar-saata çatacaqdır. Bu, indiyədək yalnız İran və Türkiyə respublikalarından elektrik enerjisi alan muxtar respublikanın həyatında mühüm hadisə olacaqdır.

NAXÇIVAN QAZ-TURBİN ELEKTRİK STANSİYASININ İKİ BLOKU İSTİFADƏYƏ VERİLMİŞDİR

MÜƏLLİFLƏ ƏLAQƏ

Bölmənin digər xəbərləri