Naxçıvanda məcburi dövlət sosial sığorta haqları üzrə daxilolmalar 11,6 faiz artıb
Naxçıvan, 7 noyabr, AZƏRTAC
Naxçıvan Muxtar Respublikasında 2023-cü ilin yanvar-oktyabr ayları ərzində məcburi dövlət sosial sığorta haqları üzrə daxilolmalar 120,1 milyon manatdan çox olub.
Muxtar respublika Dövlət Vergi Xidmətindən AZƏRTAC-ın bölgə müxbirinə bildirilib ki, bu, ötən ilin müvafiq dövrü ilə müqayisədə 11,6 faiz və ya 12,5 milyon manat çoxdur. Qeyri-büdcə təşkilatları üzrə daxilolmalar 2022-ci ilin eyni dövrünə nisbətən 20 faiz artaraq 36,2 milyon manatdan çox təşkil edib.
2023-cü ilin ötən 10 ayında işsizlikdən sığorta haqları üzrə daxilolmalar ötən ilin eyni dövrü ilə müqayisədə 17 faiz artaraq 3,2 milyon manatdan çox olub. Həmin dövrdə icbari tibbi sığorta haqları üzrə daxilolmalar 20 milyon manatdan çox olmaqla, ötən ilin eyni dövrünə nisbətən 5,5 faiz artıb.
Bölmənin digər xəbərləri
