Naxçıvanda taxıl səpini davam edir
Naxçıvan, 15 noyabr (AZƏRTAC). Taxıla olan tələbatın daxili imkanlar hesabına ödənilməsi üçün Naxçıvan Muxtar Respublikasında həyata keçirilən tədbirlər geniş vüsət almışdır.
Naxçıvan Kənd Təsərrüfatı Nazirliyindən AZƏRTAC-a bildirmişlər ki, həyata keçirilən tədbirlərin nəticəsidir ki, indiyədək 15 min 200 hektar sahədə şum aparılmış, 11 min hektara toxum səpilmişdir. Əkilmiş sahələrin 7 min 500 hektarında suvarma başa çatdırılmışdır.
Muxtar respublikada taxıl əkini və əkilmiş sahələrin suvarılması davam etdirilir.
Bölmənin digər xəbərləri
