NAZİRLƏR KABİNETİNDƏ GÖRÜŞ
Nümayəndə heyətinin başçısı Bakıda Sənaye və Energetika Nazirliyində aparılmış danışıqlar, iqtisadi əməkdaşlıq üzrə Azərbaycan-Qazaxıstan hökumətlərarası komissiyasının dördüncü iclasının yekunları barədə məlumat verdi.
Görüşdə iştirak edən Baş nazirin birinci müavini Abbas Abbasov iclasın gedişində əldə olunmuş razılaşmalardan danışdı. O dedi ki, Qazaxıstandan neftin Xəzər dənizi və Bakı-Tbilisi-Ceyhan boru kəməri vasitəsilə Azərbaycan ərazisi ilə nəqlinə kömək edilməsinə və onun dəstəklənməsinə dair sazişin layihəsinin hazırlanması başa çatmaqdadır. Hazırda hər iki ölkənin mütəxəssisləri onun mətni üzərində işləyirlər.
Yaxın günlərdə Azərbaycan və Qazaxıstan baş nazirlərinin iştirakı ilə Hövsan qəsəbəsində dəniz taxıl terminalının bünövrəsinin qoyulacağı gözlənilir. Terminalın tikintisini cari ildə başa çatdırmaq planlaşdırılır.
Görüşdə “Azərbaycan Hava Yolları” Dövlət Konserninin Bakı-Atırau müntəzəm aviareysini açması, mövcud borcların qarşılıqlı surətdə hesablanması məsələləri də müzakirə edildi.
Bölmənin digər xəbərləri
