“Neftçi İdman Klubu”nun təmsilçiləri ilin birinci rübündə 482 medal qazanıblar
Bakı, 15 aprel, AZƏRTAC
“Neftçi İdman Klubu” İctimai Birliyi respublikamızın öncül idman qurumlarından biridir. Klubun idmançıları qazandıqları və davam etdirməkdə olduqları böyük uğurlarla bunu sübut edir.
Klubdan AZƏRTAC-a bildiriblər ki, “Neftçi İdman Klubu”nun atletləri ilin ilk üç ayı ərzində ölkədaxili və beynəlxalq səviyyəli yarışlarda əzmlə mübarizə apararaq 166-sı qızıl, 135-i gümüş və 181-i bürünc olmaqla, ümumilikdə 482 medala sahib olublar.
Təmsilçilərdən dünya çempionatında 9 (6 gümüş, 3 bürünc), Avropa yarışlarında 9 (5 qızıl, 3 gümüş, 1 bürünc), beynəlxalq turnirlərdə isə 40 medal (7 qızıl, 8 gümüş, 25 bürünc) qazanıblar. Respublika yarışlarında 199 medala (71 qızıl, 60 gümüş, 68 bürünc) yiyələnən klubun yetirmələri, paytaxt yarışlarında 141 (44 qızıl, 39 gümüş, 58 bürünc), digər yarışlarda isə 84 dəfə (39 qızıl, 19 gümüş, 26 bürünc) fəxri kürsüdə yer alıblar.
Bölmənin digər xəbərləri
