“Neftçi” klubu iki yoxlama oyunu keçirəcək
Bakı, 30 dekabr, AZƏRTAC
“Neftçi” futbol klubu qış fasiləsindəki təlim-məşq toplanışı çərçivəsində əvvəlcədən nəzərdə tutulduğu kimi bir yox, iki yoxlama oyunu keçirəcək.
AZƏRTAC kluba istinadla xəbər verir ki, artıq rəqiblər də müəyyənləşib. Komanda yanvarın 10-da "Qəbələ”, dörd gün sonra isə “Keşlə” ilə qarşılaşacaq.
Oyunların məkanı və başlama saatı hələ müəyyənləşməyib.
Qeyd edək ki, təlim-məşq toplanışı yanvarın 4-dən 21-dək “Türk Hava Yolları Futbol Mərkəzi”ndə keçiriləcək.
Bölmənin digər xəbərləri
