Nifrət nitqi və ksenofobiyanın qadağası ilə bağlı maarifləndirici vəsait hazırlanıb
Bakı, 21 iyul, AZƏRTAC
Azərbaycan Respublikasının İnsan hüquqları üzrə müvəkkilinin (ombudsman) fəaliyyətinin mühüm istiqamətlərindən biri bərabərliyin təmini və ayrı-seçkiliyin qarşısının alınması ilə bağlıdır. Bərabər rəftar və ayrı-seçkiliyə məruz qalmama hüququ, eləcə də ifadə azadlığı fundamental insan hüquq və azadlıqlarından biridir.
Ombudsman Aparatından AZƏRTAC-a bildirilib ki, bu istiqamətdə ictimai məlumatlılığın artırılması məqsədilə İnsan hüquqları müvəkkili Səbinə Əliyevanın təşəbbüsü ilə "Nifrət nitqi və ksenofobiya ilə mübarizə kontekstində ayrı-seçkiliyin qadağan olunması prinsipi və ombudsmanların rolu” adlı xüsusi maarifləndirici vəsait hazırlanıb.
Vəsaitdə nifrət nitqinin anlayışı, növləri, əlamətləri barədə geniş məlumat verilir, nifrət nitqinin və ayrı-seçkiliyin aradan qaldırılması sahəsində mövcud olan beynəlxalq sənədlərdə təsbit edilmiş normalar, tətbiq olunan qabaqcıl beynəlxalq təcrübələr təhlil edilir, eləcə də bu istiqamətdə ombudsmanların həyata keçirdikləri fəaliyyət istiqamətlərinə dair ətraflı məlumat təqdim olunur.
Bölmənin digər xəbərləri
