Nigeriya ordusu 150 silahlı cinayətkarı öldürüb
Qahirə, 11 iyul, AZƏRTAC
Nigeriya ordusu ölkənin şimal-qərbində yerləşən Kebbi ştatında silahlı cinayətkar dəstəni pusquya salaraq, azı 150 üzvünü öldürüb.
AZƏRTAC “əş-Şarq əl-Avsət” nəşrinə istinadla xəbər verir ki, hərbi əməliyyatda quru qoşunlarından və qırıcı təyyarələrdən istifadə olunub.
Bildirilir ki, ordu ilə dəstə üzvləri arasında atışma iki saat davam edib. Hərbçilər dəstə üzvlərini geri çəkilməyə məcbur ediblər və onları qırıcı təyyarələr bombalayıb.
Son illərdə silahlı dəstələr Nigeriyanın şimal-qərb və mərkəzi bölgələrindəki kəndlərə hücumlarını artırıblar. Bu bölgələrdə təhlükəsizlik problemləri yaşanır və bundan istifadə edən cinayətkar qruplar kəndləri talayır, sakinləri öldürür və sonradan pul almaq üçün insanları girov götürürlər.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
