“Nissan” şirkəti dizel avtomobillərinin Avropada satışını dayandırır
Tokio, 8 may, AZƏRTAC
Yaponiyanın tanınmış “Nissan” avtomobil istehsalı şirkəti Avropada dizel avtomobillərin satışını dayandıracağını bəyan edib.
AZƏRTAC NHK telekanalına istinadla xəbər verir ki, buna səbəb üç il bundan əvvəl “Volkswagen” şirkətinin işlənmiş qazlarla bağlı saxtalaşdırmaları ortaya çıxdıqdan sonra, avropalı sürücülərin dizel yanacağı ilə işləyən avtomobillərə daha üstünlük verməməsidir. Buna görə də, “Nissan” şirkəti Avropada satışa çıxarılacaq yeni model avtomobillərin dizel mühərriki ilə təchiz edilməsini dayandırmaq barədə qərar qəbul edib.
Bunun əvəzində şirkət atmosferi işlənmiş qazlarla korlamayan hibrid avtomobillərə və elektrmobillərə üstünlük verəcək.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
