ELM VƏ TƏHSİL
Nizami və Nərimanov rayonları üzrə müəllim və valideynlərin müraciətləri dinləniləcək
Bakı, 7 oktyabr, AZƏRTAC
Oktyabrın 11-də Bakı Şəhəri üzrə Təhsil İdarəsinin (BŞTİ) müdiri Rəşad Tağıyev vətəndaşları qəbul edəcək.
BŞTİ-dən AZƏRTAC-a bildirilib ki, paytaxtdakı 129 nömrəli tam orta məktəbdə (ünvan: İsmayıl Məmmədov küçəsi 9) Nizami və Nərimanov rayonları üzrə keçiriləcək müəllim və valideynlərin səyyar qəbulu saat 10:00-da başlayacaq. Səyyar qəbulda müəllim və valideynlərin müraciətləri BŞTİ-nin müdiri tərəfindən dinləniləcək, müvafiq təşkilati və maarifləndirmə tədbirləri görüləcək. Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, vətəndaşları maraqlandıran məsələlərə yerində aydınlıq gətirilməsi, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparılması məqsədlərinə xidmət edir.