ELM VƏ TƏHSİL
Növbəti TOEFL iBT imtahanı keçiriləcək

Bakı, 4 dekabr, AZƏRTAC
Təhsildə Qiymətləndirmə Xidmətinin (Educational Testing Service) növbəti TOEFL iBT imtahanı dekabrın 6-da Dövlət İmtahan Mərkəzinin (DİM) Ə.Salamzadə küçəsi, 28 ünvanında yerləşən binasında təşkil olunacaq.
DİM-dən AZƏRTAC-a bildirilib ki, imtahan verəcək şəxslər saat 08:00-dan gec olmayaraq şəkilli şəxsiyyət vəsiqəsi və ya ümumvətəndaş pasportu ilə birlikdə imtahan binasında olmalıdırlar.
İmtahan saat 09:00-da başlanacaq.
Yaşı 15 və daha aşağı olan uşaqlar imtahan binasına valideynləri ilə birlikdə gəlməlidirlər.
TOEFL iBT imtahanı haqqında ətraflı məlumat DİM-in saytında yerləşdirilib.