RƏSMİ XRONİKA
OĞUZ ŞƏHƏRİNDƏ MƏRKƏZİ PARK SALINIR
AZƏRTAC-ın müxbiri xəbər verir ki, sentyabrın 20-də Prezident İlham Əliyev Oğuz şəhərində yeni salınan mərkəzi parkda olmuşdur.
Dövlətimizin başçısının tövsiyəsinə uyğun olaraq salınan parkda inşaat işlərinə bu ilin mayında başlanmışdır. Ərazisi 2,6 hektar olacaq parkın layihəsi yerli və xarici mütəxəssislərin birgə iştirakı ilə hazırlanmışdır.
Avropa və milli memarlıq üslubunda salınacaq parkda 6 fəvvarə (o cümlədən 2 musiqili fəvvarə), 2 konsert səhnəsi, uşaqlar üçün karusellər olacaqdır.
Hazırda ərazidə torpaq və dəmir-beton işləri davam etdirilir.
######