Azərbaycan Premyer Liqasında VIII tur start götürür
Bakı, 16 oktyabr, AZƏRTAC
Bu gün Azərbaycan Premyer Liqasında VIII turun oyunlarına start veriləcək.
AZƏRTAC xəbər verir ki, turun ilk günündə iki qarşılaşma keçiriləcək.
Günün ilk matçında “Şamaxı” doğma meydanda “Şəfa” ilə üz-üzə gələcək. 10 xala sahib meydan sahibləri turnir cədvəlində 7-ci, 3 xalı olan “Şəfa” isə 11-ci sırada yer alıb.
Digər oyunda “Sumqayıt” doğma meydanda “Araz-Naxçıvan”ı qəbul edəcək. “Sumqayıt” 5 xalla 6-cı, rəqibindən 3 xal geri qalan “Araz-Naxçıvan” isə turnir cədvəlinin sonuncu - 12-ci pilləsində qərarlaşıb.
Azərbaycan Premyer Liqası
VIII tur
16 oktyabr
15:00. "Şamaxı" – "Şəfa"
Hakimlər: Rəvan Həmzəzadə, Şirmamed Mamedov, Teymur Teymurov, Səbuhi Bayramov.
VAR: Elvin Bayramov.
AVAR: Tərlan Talıbzadə.
Hakim-inspektor: Feyzulla Feyzullayev.
AFFA nümayəndəsi: Elgiz Abbasov.
Şamaxı şəhər stadionu
19:00. "Sumqayıt" – "Araz-Naxçıvan"
Hakimlər: Vüqar Həsənli, Asiman Əzizli, Zöhrab Abbasov, Murad Səlimov.
VAR: Əkbər Əhmədov.
AVAR: Rəhman İmami.
Hakim-inspektor: Babək Quliyev.
AFFA nümayəndəsi: Yavər Rəhimov.
SOCAR Polymer Arena
Qeyd edək ki, VIII tura oktyabrın 18-də yekun vurulacaq.
Bölmənin digər xəbərləri
