Oksford Universiteti Nəşriyyatının məlumat bazasından ödənişsiz istifadə imkanı
Bakı, 17 fevral, AZƏRTAC
Bakı Dövlət Universitetinin (BDU) Elmi Kitabxanası BDU-nun professor-müəllim heyəti və gənc tədqiqatçılarına mart ayının 31-dək Oksford Universiteti Nəşriyyatının (Oxford University Press) məlumat bazasından ödənişsiz istifadə imkanı təqdim edir.
Bu barədə AZƏRTAC-a BDU-dan məlumat verilib.
Elmi karyerasına yeni başlayan gənc tədqiqatçılar üçün Oksford Universiteti Nəşriyyatının resurslarına giriş maraqlı və faydalı olacaq. Oksford Universiteti Nəşriyyatının nüfuzlu jurnal və kitablarından tədqiqatçılar yalnız oxumaq üçün yararlana bilərlər.
Sınaq müddətində Oksford Universiteti Nəşriyyatı tərəfindən təklif olunan resurslara link vasitəsilə və ya Elmi Kitabxananın səhifəsində “Tammətnli məlumat bazaları” bölməsindən daxil olmaq mümkündür.
Nəşriyyat, həmçinin broşürlərdən istifadə imkanı da təklif edir.
Bölmənin digər xəbərləri
