Olaf Şolts: Avropa müdafiə hazırlığını gücləndirməlidir
Berlin, 18 yanvar, AZƏRTAC
Avropa müdafiə hazırlığını gücləndirməlidir. Bu, həm də hərbi təchizat üzrə istehsal gücümüzü artırmaq və hərbi təchizatın tədarükünü sadələşdirmək deməkdir.
AZƏRTAC xəbər verir ki, bunu Almaniyanın Federal Kansleri Olaf Şolts Berlində İsveçin Baş naziri Ulf Kristersson ilə görüşdən sonra mətbuata açıqlamasında deyib.
Avropa İttifaqından olan tərəfdaşların silahlarla bağlı müqavilələrdə iştirakı üçün tender qaydalarının asanlaşdırılmasının tərəfdarı olduğunu qeyd edən Kansler bildirib ki, bu, hərbi təchizatın daha sürətli və rahat şəkildə təmin edilməsinə imkan verəcək. “Mən, həmçinin şirkətlərin rəqabət qaydalarının onların əməkdaşlığına mane olmasına imkan vermədən müdafiə sistemlərinin və silahların inkişaf etdirilməsində birlikdə daha rahat əməkdaşlıq edə bilmələrinin vacibliyinə inanıram”, - deyə Kansler Olaf Şolts vurğulayıb.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
