Ombudsman Aparatında qazilərlə növbəti görüş keçirilib
Bakı, 27 yanvar, AZƏRTAC
Azərbaycan Respublikasının insan hüquqları üzrə müvəkkili (ombudsman) Səbinə Əliyeva Vətən müharibəsində iştirak etmiş qazilər David Sadiyev və Ömər Mirzəxanovla görüş keçirib.
Bu barədə AZƏRTAC-a Ombudsman Aparatının mətbuat xidmətindən məlumat verilib.
Ombudsman Aparatında keçirilmiş görüşdə ABŞ-ın "Vaad L'hatzolas Nichei Yisroel" Beynəlxalq humanitar təşkilatının Azərbaycandakı nümayəndəliyinin direktor müavini, Bakı gürcü yəhudiləri dini icmasının sədri, görüşdə iştirak edən qazilərin də təhsil aldığı 46 nömrəli tam orta məktəbin yəhudi bölməsinin direktoru Rav Zamir İsayev də iştirak edib.
Səbinə Əliyeva qaziləri 44 günlük Vətən müharibəsində qazanılmış Zəfər münasibətilə təbrik edib, onlara minnətdarlığını ifadə edib. Ombudsman Azərbaycanda mövcud olan bərabərlik və tolerantlıq mühitinə diqqət çəkib, ərazi bütövlüyümüzün təmin olunması uğrunda dilindən, dinindən və etnik mənsubiyyətindən asılı olmayaraq hər kəsin dəstək göstərdiyini vurğulayıb.
Görüş zamanı ombudsman qazilərin qayğıları ilə maraqlanıb.
Bölmənin digər xəbərləri
