OMBUDSMAN APARATININ ƏMƏKDAŞI BELÇİKADA KEÇİRİLMİŞ BEYNƏLXALQ KONFRANSDA İŞTİRAK ETMİŞDİR
Ombudsman Aparatından AZƏRTAC-a bildirmişlər ki, təsisatın şöbə müdiri Zaur Əliyev Belçikanın Gent şəhərində yerli ombudsmanın, Avropa Ombudsmanlar İnstitutunun və Gent Universitetinin birgə təşkilatçılığı ilə keçirilmiş “Ombudsmanların təsir imkanları” mövzusunda beynəlxalq konfransda iştirak etmişdir.
Tədbirə bir sıra ölkələrin ombudsmanları, onların təmsilçiləri, Avropa İttifaqının ombudsmanı Nikiforos Diamandouros və digər nümayəndələr qatılmışlar.
Z.Əliyev konfransda “Ombudsmanların təsir imkanlarının gücləndirilməsi” adlı işçi qrupunun iclasında çıxış etmiş, respublikamızda həyata keçirilən hüquqi islahatlar, ombudsman institutunun təsis olunması və fəaliyyəti barədə məlumat vermişdir.
Bölmənin digər xəbərləri
