OPEK-İN PREZİDENTİ NEFT HASİLATININ ARTIRILMASI ÇAĞIRIŞLARINI RƏDD ETMİŞDİR
AZƏRTAC xəbər verir ki, Neft İxrac Edən Ölkələr Təşkilatının (OPEK) rəhbərliyi Avropa ölkələrinin və ABŞ-ın bir barreli 100 dolları ötmüş xammal neftin qiymətini sabitləşdirmək üçün hasilatı artırmaq çağırışlarını rədd etmişdir. OPEK-in prezidenti, Əlcəzairin neft naziri Şakib Xəlil “Fayneşnl tayms” qəzetinə müsahibəsində demişdir: “Neft hasilatının səviyyəsini qaldırmağa ehtiyac yoxdur. Neft ehtiyatı tələbatın müəyyən qədər azaldığı bir vaxtda kifayət qədərdir”.
Qəzetin yazdığına görə, bu mövqeyi OPEK ölkələrinin əksəriyyəti dəstəkləyir ki, bu da neft istehlakçıları və istehsalçılarının gələn həftə Romada keçiriləcək forumunda gərgin diskussiyalar olacağından xəbər verir.
OPEK-lə razılaşmayan Beynəlxalq Enerji Agentliyinin aparıcı iqtisadçısı Fateh Birol isə demişdir ki, qiymətlər neft hasilatının artırılması zərurətinin indikatorudur.
Bölmənin digər xəbərləri
