OPEK NEFTİN QİYMƏTİ ÜZƏRİNDƏ NƏZARƏTİN İTİRİLMƏSİ İLƏ BAĞLI MƏSLƏHƏTLƏŞMƏLƏR KEÇİRƏCƏK
Aprelin 18-də Avropa, Şimali Amerika və Asiya birjalarında neftə tələbatın kəskin surətdə artması və neftin qiymətinin ən yüksək səviyyəyə qalxması da OPEK-in narahatlığına səbəb olmuşdur.
Hazırda neftin qiymətinin sürətlə qalxmasına əsas səbəb İran ətrafında vəziyyətin getdikcə gərginləşməsidir. Aparıcı birjaların ən iri operatorları öz mənbələrindən belə bir informasiya almışlar ki, Corc Buş hökuməti İrana qarşı BMT Təhlükəsizlik Şurası vasitəsilə qadağalar tətbiq etmək ideyasından əl çəkmişdir və birtərəfli hərbi əməliyyatlar variantını seçmək niyyətindədir.
Nəticədə Yaxın Şərqdə və Fars körfəzində strateji qeyri-sabitliyin gücləndiyi şəraitdə neftin qiyməti sürətlə artmağa başlamışdır. Eyni zamanda, Nigeriyanın cənubunda əhali neft ixracından əldə olunan gəlirdən büdcəyə ayırmaların artırılmasını tələb edir. Hazırda Niger çayı deltasında işləyən Britaniyanın “Şell” şirkəti yerli əhalidən ibarət silahlı dəstələrin hücum təhlükəsi ehtimalına görə yeni neft obyektlərini bağlamağa məcburdur.
Bölmənin digər xəbərləri
