ELM VƏ TƏHSİL
ORTA ƏSR ƏRƏB ASTRONOMUNUN ÇOX NADİR ƏLYAZMASI TÜRKİYƏYƏ QAYTARILIR
Bu çox qiymətli qədim əlyazması Londonda, “Kristis”ə İnterpoldan sorğu gəldikdən sonra aşkar edilmişdir. Güman edilirdi ki, dəməşqli alimin son dərəcə dəyərli kitabı hərraca çıxarılacaqdır.
İbn Bərməki elmi əsərini, təxminən 1259-cu ildən yaratmağa başlamışdı. O, əsasən, Marağa rəsədxanasında işləmişdir. XIV əsrin ortalarınadək mövcud olmuş bu rəsədxanada müxtəlif ölkələrdən gəlmiş 100-dən çox alim çalışırdı. Planetlərin hərəkətlərinin o dövr üçün çox dəqiq cədvəli, ulduzların vəziyyəti, Günəş tutulmalarının təsvirləri, dünyanın 256 şəhərinin koordinatları göstərilən məşhur “Ziç Elxani” (“Elxani cədvəlləri”) astronomiya kataloqu məhz Marağa rəsədxanasında tərtib edilmişdi.
Müəyyəddin ibn Bərməkinin əlyazması ən yaxın vaxtlarda Londondan Türkiyəyə gətiriləcəkdir. Konyada isə kitabxananın əlyazmasının oğurlanmasında əli olmaqda ittiham edilən beş əməkdaşı məhkəmə qarşısında cavab verməli olacaqdır.