Ötən il neft və təbii qazın qiyməti proqnozları üstələyib
Bakı, 24 may, AZƏRTAC
2022-ci ildə “Azeri Light” markalı neftin bir barelinin orta illik qiyməti 103,6 ABŞ dolları səviyyəsində qərarlaşıb. Bu da 2021-ci ildəki orta qiymətdən 44,7 faiz, 2022-ci ilin dövlət büdcəsinin yenidən baxılması zamanı əsas götürülmüş göstəricidən 21,8 faiz çoxdur. Bu isə təbii olaraq qlobal iqtisadiyyatda və əmtəə bazarlarında hökm sürən qeyri-müəyyənliklər fonunda neft və təbii qaz qiymətlərinin proqnozları üstələməsi deməkdir.
AZƏRTAC xəbər verir ki, bununla bağlı məlumat 2022-ci il dövlət büdcəsinin icrasına dair illik hesabatında yer alıb.
Hesabata əsasən, enerji daşıyıcılarının yüksək qiymətləri əsasən Rusiya ilə Ukrayna arasında hərbi toqquşmaların baş verməsi, münaqişə səbəbindən sanksiyaların, ixrac və qiymət məhdudiyyətlərinin tətbiqi, eləcə də OPEC+ ölkələri arasında neft hasilatı səviyyəsinin azaldılmasına dair razılığın əldə edilməsi ilə bağlı olub.
Bölmənin digər xəbərləri
