Özbəkistan-Qırğızıstan İnkişaf Fondu yaradılıb
Daşkənd, 4 oktyabr, АZƏRTAC
Özbəkistan-Qırğızıstan Hökumətlərarası İnkişaf Fondu yaradılıb.
AZƏRTAC Özbəkistan mətbuatına istinadla xəbər verir ki, Özbəkistan Prezidenti Şavkat Mirziyoyev bununla bağlı qanun imzalayıb.
Bildirilir ki, Nizamnamə fonduna Özbəkistan tərəfindən 50 min dollar yatırılacaq və gələcəkdə bu məbləğ 200 min dollara çatdırılacaq. Beynəlxalq təşkilat sayılacaq Fond Qırğızıstanda iqtisadiyyatın prioritet istiqamətlərində həyata keçiriləcək layihələri maliyyələşdirəcək.
Xatırladaq ki, bununla bağlı saziş bu ilin mart ayında Daşkənddə dövlət başçıları səviyyəsində keçirilən görüşdə imzalanıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
