“Özəl sektorla kommunikasiya əlaqələrinin qurulması” mövzusunda təlim keçirilib
Bakı, 15 fevral, AZƏRTAC
İsmayıllı Peşə Tədris Mərkəzi, Qəbələ Dövlət Peşə Təhsil Mərkəzi və Qax Peşə Liseyində “Özəl sektorla kommunikasiya əlaqələrinin qurulması” mövzusunda təlimlər keçirilib.
Peşə Təhsili üzrə Dövlər Agentliyindən AZƏRTAC-a bildirilib ki, təlimlər “Qəbələ, Qax və İsmayıllı rayonlarında duala - bənzər peşə təhsili və təlimi pilotlarının yaradılması” layihəsi (ED VET) çərçivəsində həyata keçirilib. ED VET layihəsi Avropa İttifaqının maliyyə dəstəyi ilə Almaniya Beynəlxalq Əməkdaşlıq Cəmiyyəti (GIZ) tərəfindən icra olunur.
Təlimdə peşə təhsili üzrə xarici ekspert Gebhard Hafer iştirakçılara özəl sektor ilə əməkdaşlıq əlaqələrinin qurulması yolları, kommunikasiya kanallarının seçilməsi və tətbiqi, CV və motivasiya məktubunun hazırlanması qaydaları, iş müsahibəsinə hazırlıq barədə geniş məlumat verib.
Bölmənin digər xəbərləri
