PAKİSTAN HƏBSXANASINDA 60 NƏFƏR GİROV GÖTÜRÜLÜB
AZƏRTAC Hindistanın PTİ agentliyinə istinadla xəbər verir ki, Pakistanın Pəncab əyalətinin Siyalkot şəhərindəki həbsxanada bir qrup məhbus 60-dək adamı girov götürmüşdür. Girovların 9-u burada yoxlama aparan müfəttiş, 50 nəfəri isə məhbus qadınlardır.
Polis nümayəndələrinin sözlərinə görə, bu aksiyanı törədən məhbuslar silahlıdırlar. Onlar iki kiçik avtobus və əlavə silah verilməsini tələb edirlər.
Dəqiq sayı hələlik məlum olmayan cinayətkarlar 4 müfəttişi buraxmışlar. Həbsxana polis tərəfindən mühasirəyə alınmışdır. Cinayətkarlarla danışıqlar aparılır.
Bölmənin digər xəbərləri
