Pakistanda keçirilən beynəlxalq konfransda ölkəmiz təmsil olunub
Bakı, 3 noyabr, AZƏRTAC
Dünyanın ən nüfuzlu universitetlərindən biri - 40 mindən çox tələbəsi olan Pakistanın Lahor Universitetində "Müttəfiq Səhiyyə Elmlərində İrəliləyişlər" adlı beynəlxalq konfrans keçirilib.
AZƏRTAC Tibbi Ərazi Bölmələrini İdarəetmə Birliyinin (TƏBİB) rəsmi feysbuk səhifəsinə istinadla bildirir ki, konfransda Elmi-Tədqiqat Tibbi Bərpa İnstitutunun direktoru, fizioterapevt-reabilitoloq Pərvin Əkbərov "Azərbaycanda II Qarabağ müharibəsindən sonra qazilərin reabilitasiya proqramı" məruzəsi ilə çıxış edib.
Bununla yanaşı, gələcəkdə Lahor Universiteti ilə Elmi-Tədqiqat Tibbi Bərpa İnstitutunun birgə elmi araşdırmalar və təcrübələrin paylaşması mövzusunda memorandum imzalanıb.
Qeyd edək ki, sözügedən konfransa 40 əcnəbi və 60 yerli məruzəçi qatılıb.
Bölmənin digər xəbərləri
