PAKİSTANDA QAR UÇQUNU ZAMANI 5 ALPİNİST HƏLAK OLMUŞ, 3-Ü İSƏ İTKİN DÜŞMÜŞDÜR
AZƏRTAC-ın xüsusi müxbiri Frans Press agentliyinə istinadən xəbər verir ki, Pakistanın şimalında dünyanın ikinci ən hündür K2 zirvəsində baş vermiş qar uçqunu zamanı 5 alpinist həlak olmuş, irlandyalı, fransız və onları müşaiyət edən bələdçidən ibarət 3 nəfərlik qrup isə yoxa çıxmışdır.
İtkin düşənlərin axtarışı məqsədilə hadisə yerinə xilasedicilərdən ibarət vertalyotun göndərilməsini müzakirə edən pakistan hərbçiləri zirvənin çox hüdür olması ilə əlaqədar yaranacaq təhlükəli vəziyyətdən ehtiyat etdiklərini bildirmişlər.
Qar uçqunu alpinistləri zirvədən aşağı düşərkən yaxalamışdır. Yeddi nəfərlik başqa bir qrup xilas olmağa imkan tapmışdır.
Həlak olanların nəşinin çıxarılması və itkin düşənlərin axtarışı ilə ilə əlaqədar ölkədə xilasedicicilərdən ibarət xüsusi dəstənin təşkil edilməsi nəzərdə tutulmişdur.
Xatırladaq ki, bir qədər əvvəl bir serb və bir italyalı alpinist ölkənin şimalında həddindən artıq qayalıq olan Nanqa Porbat dağında həlak olmuşlar. Onların bələdçilərini xilas etmək mümkün olmuşdu.
Bölmənin digər xəbərləri
