Pakistanlı professor BDU-nun Biologiya fakültəsində mühazirə deyib
Bakı, 23 iyun, AZƏRTAC
Pakistanın Quaid-i-Azam Universitetinin tanınmış professoru Muhammad Zafar Bakı Dövlət Universitetinin Biologiya fakültəsində mühazirə oxuyub.
BDU-dan AZƏRTAC-a bildirilib ki, məruzəçi bitki tozcuqları, tozlanma prosesi və onların bioindikator kimi tədqiqi istiqamətində apardığı elmi tədqiqatlar barədə geniş təqdimatla çıxış edib. O, mikroskopik səviyyədə tozcuqlar üzərində aparılan silsilə tədqiqatlardan nümunələr təqdim edərək, bu sahədəki praktiki və nəzəri təcrübəsini bölüşüb.
Alim beynəlxalq elmi bazalarda yüksək reytinqli məqalələrin hazırlanması və nəşri ilə bağlı təcrübəsini də paylaşıb, elmi işlərin keyfiyyətinin artırılması istiqamətində faydalı tövsiyələr verib və iştirakçıların suallarını cavablandırıb.
Görüşdə tərəflər arasında birgə tədqiqat və əməkdaşlıq imkanları da müzakirə olunub.
Bölmənin digər xəbərləri
