Papa Fransisklə vidalaşmaq üçün 100 min insan növbə gözləyir
Bakı, 24 aprel, AZƏRTAC
Yüz minə yaxın insan Roma Papası Fransisklə vidalaşmaq fürsətini gözləyir.
AZƏRTAC xəbər verir ki, Papa Fransiskin tabutunun Vatikandakı Müqəddəs Pyotr Bazilikasına qoyulduğu aprelin 23-dən bəri onunla vidalaşmağa 48 min 600 insan gəlib, bu da kafedrala giriş qaydalarının dəyişdirilməsinə səbəb olub.
Bazilikanın yerli vaxtla gecəyarısı bağlanması planlaşdırılsa da, o, səhər saat 5:30-dək açıq qalıb. Təşkilati işlər və təmizlik üçün qısa müddətə bağlanılan kafedralın qapıları saat 7:00-da yenidən açılıb.
Pontifiklə vida mərasimi cümə günü saat 19:00-dək davam edəcək və bundan sonra tabut möhürlənəcək. Papa Fransiskin dəfn mərasimi aprelin 26-da Romadakı Santa-Maria-Maggiore kilsəsində keçiriləcək. Polşa Radiosunun məlumatına görə, mərasimdə 200 minədək insan iştirak edə bilər.
Xatırladaq ki, Roma Papası Fransisk uzun sürən xəstəlikdən sonra aprelin 21-də səhər saatlarında 88 yaşında vəfat edib.
Bölmənin digər xəbərləri
