PEKİN OLİMPİADASINDA İŞTİRAKINI BAŞA VURMUŞ AZƏRBAYCAN İDMANÇILARININ DAHA BİR QRUPU BAKIYA QAYITMIŞIDR
AZƏRTAC xəbər verir ki, Pekin Olimpiadasında çıxışını başa vurmuş Azərbaycan idmançılarının daha bir qrupu avqustun 16-dan 17-ə keçən gecə vətənə qayıtmışdır.
Heydər Əliyev adına beynəlxalq hava limanında Pekin Olimpiadasının iştirakçılarını idmançıların ailə üzvləri, idmansevərlər, paytaxt sakinləri böyük təntənə, gül-çiçəklə, qarşıladılar.
İdmançıların arasında kütləvi informasiya vasitələrinin və azarkeşlərin daha böyük marağına Olimpiadanın bürünc medalçısı cüdoçu Mövlud Miəliyev (100 kq) səbəb olmuşdu.
Azərbaycan idmançıları ilə yanaşı Bakıya Gürcüstan Olimpiya yığmasının bir qrup üzvü də gəlmişdir.
Gürcüstana qızıl medallar qazandırmış cüdoçu İrakli Tsirekidze, yunan - Roma güləşçisi Manuçar Kvirkeliya və pnevnatik tapançadan atəşaçma yarışlarında bürünc medalın sahibi Nino Salukvadzeni böyük ehtiramla qarşılandılar.
######
 |
 |
Bölmənin digər xəbərləri
