Peru Konqresi prezidentə impiçment elan edib
Bakı, 10 oktyabr, AZƏRTAC
Peru Konqresi təhlükəsizlik böhranı səbəbindən Prezident Dina Boluartenin impiçmentinə səs verib. Sessiya parlamentin “YouTube” kanalında yayımlanıb.
AZƏRTAC xəbər verir ki, qərar yekdilliklə qəbul edilib. Prezident postunu qəbul etmək üçün növbəti sırada yer alan parlamentin sədri Xose Xeri Boluartenin səlahiyyətlərini dayandıran qətnamə təsdiqlənib.
Oktyabrın 9-da Peru Konqresi prezidentə "mənəvi səriştəsizliklə" bağlı impiçment elan edilməsi ilə bağlı dörd təklifə baxıb. Vəsatətlərin müəllifləri dövlət başçısını onun cinayətkarlıqla mübarizə siyasətinin iflasa uğramasında ittiham ediblər. Boluarte Konqresin iclasına gəlməyib.
Peruda təhlükəsizlik sahəsində vəziyyəti son illərdə xeyli pisləşib. Mart ayında parlament daxili işlər nazirinə artan cinayətlərə görə etimadsızlıq səsverməsi keçirmişdi. May ayında isə Baş nazir Qustavo Adriansen təhlükəsizlik böhranı səbəbindən istefa vermişdi. Sentyabr ayında dərc edilən rəy sorğusunun nəticələrinə görə, respondentlərin yalnız 2,5 faizi səlahiyyət müddəti 2026-cı ildə başa çatan Dina Boluartenin prezident kimi fəaliyyətini bəyənib.
Bölmənin digər xəbərləri
