Pərviz Şahbazov: Ukraynanın bir sıra enerji və nəqliyyat obyektlərinin potensialı araşdırılır
Kiyev, 31 yanvar, AZƏRTAC
Ukraynaya səfər çərçivəsində Odessa şəhərində bir sıra beynəlxalq əhəmiyyətli enerji və nəqliyyat obyektlərində, o cümlədən neftayırma zavodu, dəniz limanları, sərnişin və yük terminalları ilə yaxından tanış olduq.
Bu sözləri AZƏRTAC-a açıqlamasında Azərbaycan Respublikası ilə Ukrayna arasında iqtisadi əməkdaşlıq məsələləri üzrə Hökumətlərarası Komissiyanın həmsədri, Energetika naziri Pərviz Şahbazov deyib.
Nazir bildirib ki, Azərbaycan üçün bütün enerji və nəqliyyat layihələri böyük maraq kəsb edir: “Biz həmin obyektlərin fəaliyyəti ilə daha yaxından tanış olduq, layihələrin perspektivi və potensialı haqqında məlumat aldıq. İndi onları araşdıracağıq, ümid edirəm ki, daha sonra enerji və nəqliyyat sektorunun regional, beynəlxalq səviyyədə inkişaf etdirilməsində müəyyən yer tapacağıq”.
P.Şahbazov vurğulayıb ki, Azərbaycan və Ukraynanın iqtisadi əməkdaşlığının böyük perspektivi var. Hər iki tərəf energetika, nəqliyyat, infrastruktur, investisiya layihələrinin iştirakda maraqlıdır. Yaxın vaxtlarda müəyyən nəticələrin şahidi olacağıq.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
