Pirallahı rayonunda “Nümunəvi həyət” layihəsi davam etdirilir
Bakı, 12 noyabr (AZƏRTAC). Pirallahı rayonunda aparılan genişmiqyaslı yenidənqurma və tikinti-abadlıq işlərinin tərkib hissəsindən biri olan “Nümunəvi həyət” layihəsi uğurla davam etdirilir. Məhz belə layihələrdən biri də Pirallahı qəsəbəsindəki 29-cu məhəllədə reallaşdırılır.
Rayon icra hakimiyyətindən AZƏRTAC-a bildirmişlər ki, ümumilikdə, 2 hektaradək ərazi tullantılardan təmizlənərək planlaşdırma işləri aparılmışdır. Bu ərazidə 3 kölgəlik tikilmiş, uşaqların əylənməsi üçün hər cür şərait yaradılmışdır. Həmçinin yaşayış məhəlləsinə 2 min 300 paqonmetr səki daşı düzülmüş, 10 min 277 kvadratmetr sahəyə asfalt örtüyü vurulmuş, 300 ədəd küknar ağacı əkilmişdir.
Bundan əlavə, ümumi sahəsi 200 kvadratmetr olan müasir tipli, 150 nəfərlik birmərtəbəli “Xeyir-şər” evi əsaslı təmirdən sonra sakinlərin istifadəsinə verilmişdir.
Bölmənin digər xəbərləri
