Piyadaları vurub hadisə yerindən qaçmış sürücülər axtarılır
Bakı, 13 noyabr (AZƏRTAC). Xətai rayonunun ərazisində naməlum avtomobillə Bakı şəhər sakini, azyaşlı Manaf Qədirli vurulmuşdur. Xəsarət almış uşağa xəstəxanada ilkin tibbi yardım göstərildikdən sonra evə buraxılmışdır.
Yasamal rayonunda isə naməlum avtomaşın paytaxt sakini Mahirə Adıgözəlovanı vurmuşdur. Xəsarət almış piyada xəstəxanaya müraciət etmişdir. Ona ilkin tibbi yardım göstərilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hadisələrlə bağlı cinayət işi açılmışdır. Naməlum avtomobillərin sürücülərinin tapılaraq məsuliyyətə cəlb olunması üçün əməliyyat-axtarış tədbirləri həyata keçirilir.
Bölmənin digər xəbərləri
