POLONİUM BRİTANİYAYA RUSİYADAN GƏTİRİLƏ BİLMƏZDİ
Xatırladaq ki, Böyük Britaniya Sağlamlığın Mühafizəsi Agentliyinin (SMA) nümayəndələri Rusiya Federal Təhlükəsizlik Xidmətinin mərhum sabiq zabiti Aleksandr Litvinenkonun bədənində radioaktiv polonium-210 maddəsinin izlərinin tapıldığını elan etmişlər. Agentliyin radiologiya departamentinin başçısı, professor Rocer Koks jurnalistlərə bildirmişdir ki, SMA Litvinenkonun sidiyindən xeyli miqdarda alfa-şüalar çıxdığı haqqında məlumat almışdır. Alim demişdir ki, Litvinenko xeyli dərəcədə şüalanmışdır.
SMA-nın nümayəndələri dəqiqləşdirmişlər ki, söhbət radioaktiv maddənin kütləsindən, yaxud həcmindən deyil, məhz şüalanmadan gedir. Britaniya polisi daha sonra radiasiya izlərinin Londonun mərkəzində yerləşən və Litvinenkonun tanışları ilə görüşdüyü bar və hoteldən, habelə onun ailəsi ilə birlikdə yaşadığı evdən tapıldığı barədə məlumat yaymışdır.
Bununla əlaqədar Qərb KİV-ləri polonium-210-nun Böyük Britaniyaya məhz Rusiyadan gətirildiyini iddia etmişlər.
Akademik Velixov polonim-210-dan Rusiyada sərbəst istifadə olunub-olunmadığı haqqında sualın cavabında demişdir: “Hər bir izotop nəzarət altındadır və əlçatan yerdə deyildir. Polonium-210-u Avropa klinikalarında almaq mümkündür”.
Bölmənin digər xəbərləri
