Polşa Belarus sərhədi qeyri-müəyyən müddətədək bağlanacaq
Bakı, 11 sentyabr, AZƏRTAC
Polşa-Belarus sərhədi qeyri-müəyyən müddətədək bağlanacaq və bu məhdudiyyət Rusiya ilə Belarus arasında keçirilən “Zapad-2025” təlimləri ilə bağlı deyil.
AZƏRTAC xəbər verir ki, Polşanın daxili işlər naziri Marçin Kervinski bu barədə TOK.FM radiostansiyasının efirində deyib.
“Sərhəd qeyri-müəyyən müddətədək bağlı qalacaq və yalnız tam təhlükəsizliyin təmin olunduğu vaxt açılacaq”, – deyə Marçin Kervinski bildirib.
Nazirin sərəncamına əsasən, sərhəd hər iki istiqamətdə insanların, yük avtomobillərinin və dəmir yolu nəqliyyatının hərəkəti üçün bağlanacaq.
Xatırladaq ki, sentyabrın 9-da Polşanın Baş naziri Donald Tusk “Zapad-2025” təlimlərinin başlanması ilə əlaqədar sentyabrın 11-dən 12-nə keçən gecədə sərhədin bağlanacağını elan etmişdi.
Bölmənin digər xəbərləri
